Две вредни слики на познатиот француски уметник Пјер-Огист Реноар, украдени од музеј во јужна Франција пред околу еден месец, конечно се пронајдени, а шест лица се уапсени во врска со кражбата.
Сликите, „Портрет на госпоѓа Колона Романо“ и „Млада жена кај бунарот“, биле изложени во Музејот на Реноар во Кане-сир-Мер, близу Ница. Тие се сопственост на музејот Орсеј во Париз и претходно биле позајмени за изложување.
Кражбата се случила на 8 септември, кога крадците влегле во музејот по пресекување на ограда и скршување на прозорец. Со електрична пила ги отстраниле рамките и побегнале со делата, а целата операција траела помалку од три минути.
Иако од музејот биле однесени четири слики, две од нив биле оставени во градината при бегството на крадците. Пронајдените дела, чии вкупна вредност се проценува на околу девет милиони евра, останале исчезнати до неодамнешното пронаоѓање.
Градоначалникот на Кане-сир-Мер, Брајан Масон, се изрази со олеснување по враќањето на сликите, нагласувајќи дека тие имаат важна улога во историјата и културното наследство на градот.
Сепак, засега нема информации за местото на пронаоѓање на уметничките дела ниту за нивната состојба. Истрагата продолжува, а шест лица се уапсени.
