Пејачот Јаков Јозиновиќ објави дека неговите концерти, планирани за 24 и 25 октомври во Белградската арена, се одложуваат за нови термини. Тој ја објави оваа информација преку својот Инстаграм профил, обраќајќи им се на обожавателите кои веќе со нетрпение го очекуваа неговиот настап.
Причината за одложувањето се технички и организациски проблеми. Новиот датум за концертот на 24 октомври е 28 ноември, додека терминот за концертот на 25 октомври ќе биде познат подоцна.
Јозиновиќ им се извинува на своите фанови, свесен за времето и средствата кои многу од нив веќе ги вложиле за присуство на овие настани. Тој нагласи дека сите купени влезници ќе важат за новиот датум и дека за оние на кои новиот термин не им одговара, постои можност за враќање на парите.
Пејачот дополнително им се извини за непријатностите, особено на оние кои веќе организирале патување или резервирале сместување.
Неодамна, Јозиновиќ беше во центарот на вниманието поради видеото каде ја изведува песната на хрватскиот музичар Марко Перковиќ Томпсон, што предизвика многу реакции, но според соопштението, техничките и организациските проблеми беа единствената причина за одложувањето.
