Селекторката на женската фудбалска репрезентација на Англија, Сарина Вигман, потпиша нов договор со Фудбалската асоцијација на Англија, што значи дека ќе ја предводи селекцијата до крајот на Европското првенство во 2029 година.
Со продолжениот договор, 56-годишната холандска тренерка ќе остане на функцијата најмалку две години по Светското првенство во 2027 година, каде што Англичанките се надеваат на значаен успех.
Вигман е на чело на репрезентацијата откако од 2021 година и досега има постигнато импресивни резултати. Под нејзино водство, Англија ги освои европските титули во 2022 и 2025 година, а во 2023 година стигна до финалето на Светското првенство.
„Со огромна радост продолжувам да работам со оваа репрезентација. Не можам да замислам подобра работа во фудбалот“, изјави Вигман, додавајќи дека е благодарна за довербата и поддршката од Фудбалската асоцијација.
Таа истакна дека нејзиниот приоритет во моментов е Светското првенство и подготовките на тимот за предизвиците што следуваат. Англија сѐ уште треба да го обезбеди пласманот на турнирот во Бразил, а подолгото траење на договорот ѝ дава шанса на Вигман да ја води селекцијата и во следниот циклус на Европското првенство.
Оваа одлука на англиската федерација е уверување во тренерката која оставила значаен белег во женскиот фудбал во последните години.
