Докторантка откри необичен начин да заработи дополнителни средства за своето образование. Ешли Рамирез успеала за само 48 часа да собере околу 1.600 долари, продавајќи фотографии со бизарна содржина.
На нејзините слики, таа со босите стапала гази парчиња тост, а концептот го нарекла „тос-т“, што е игра на зборови од англиските термини за прсти на нозете и тост.
Иако звучи чудно, нејзината идеја привлекла многу купувачи онлајн. Според тоа што сама споделила, заработените средства ѝ се корисни за покривање на трошоците за докторските студии, вклучувајќи школарина и секојдневни расходи.
Овој необичен метод на заработка брзо стана популарен на социјалните мрежи, потврдувајќи дека интернет-пазарот може да биде непредвидлив – она што на многумина им се чини чудно, за некого може да биде значаен извор на приходи.
