Македонскиот диџеј и продуцент Galoski постигна нов значаен успех на меѓународната сцена. Неговата најнова песна STEP се најде на деветтото место на листата за најпуштани траки од диџеи во светот за изминатиот месец, според податоците на 1001Tracklists.
На глобалната листа, STEP е во компаниијата на изданија од познати артисти како Swedish House Mafia, MEDUZA, Cloonee, Prospa и Adriatique. Ова е особено важно бидејќи STEP е независно издание објавено преку новата издавачка куќа на Galoski, Side Effects. Во август, тој ги објави песната STEP и Come Closer, што означи почеток на новата фаза на неговата кариера.
Зад оваа успешна улога стои и многу активно лето за Galoski. Неговата музика беше присутна во сетови и радио емисии на David Guetta, Swedish House Mafia, Armin van Buuren, Martin Garrix и многу други познати диџеи. Неговите траки се слушнаа и на Tomorrowland, еден од најзначајните фестивали за електронска музика во светот, повторно за втора година по ред.
Активниот период за Galoski продолжува, со ново издание најавено за 11 септември за Smash The House, издавачката куќа на Dimitri Vegas & Like Mike, а уште едно издание е во план за октомври 2026. Со повеќе од 20 години активно присуство на електронската сцена, Galoski продолжува да се докажува како важен артист, со неговата музика редовно присутна во сетовите на водечките светски диџеи.
