На летот на авиокомпанијата „Еуровингс“ од грчкиот остров Родос до германскиот град Дизелдорф се случи непријатна ситуација, откако неколку патници се разболеле. Поради нивното здравје, екипажот побарал итно слетување.
По пристигнувањето во Дизелдорф, активирани биле итни медицински процедури, при што медицински екипи во заштитни одела влегле во авионот. Тројца патници биле пренесени во болница, а останатите биле прегледани и продолжиле со своето патување.
Сведоците потврдуваат дека неколку лица имале сериозни стомачни тегоби и повраќале за време на летот, поради што патниците морале да останат во авионот околу 90 минути пред да добијат дозвола за излез.
Се претпоставува дека причината за овие здравствени проблеми може да биде норовирус, познат по своите симптоми на повраќање и дијареја, и лесно се пренесува. Сепак, засега нема официјална потврда дека токму овој вирус е виновен за проблемите.
Инцидентот се одвива во време кога Родос бележи зголемено присуство на гастроинтестинални инфекции, а надлежните органи ќе истражат што точно довело до ненадејното разболување на патниците во авионот.
