На западниот дел на италијанскиот остров Сицилија се појави силно торнадо, предизвикувајќи значителни материјални штети и повреди на жителите. Страшните видеа од градот Марсала и околните области ја отсликуваат разорната моќ на ова невреме, кое остави особено тешки последици.
Торнадото се формирало блиску до морето и се движело кон копното, зафатијќи ги Марсала и Петросино. Интензивниот ветер превртел возила, урнал дрвја и електрични столбови, а дополнително предизвикал оштетувања на покриви и објекти.
Во училиште во Марсала, околу 300 ученици биле евакуирани поради сериозни штети. Според информациите, најмалку 11 лица добиле повреди, вклучувајќи ги и оние од скршено стакло и летање на предмети предизвикани од ветерот.
Неколку семејства останале без домови, а локалните власти и екипите за цивилна заштита интервенирале за да помогнат на погодените жители и да ја проценат штетата. Снимките од торнадото станаа вирусни на социјалните мрежи, шокирајќи многумина поради неверојатната сила на природниот феномен.
