Во српскиот град Краљево се случи трагична сообраќајна несреќа, при што автомобил излетал од коловозот и удрил во семејство на тротоар. Животот го загубило петгодишно девојче, додека неговата мајка и едногодишната сестричка се здобиле со тешки повреди.
Несреќата се случила на 24 август во Улицата „Четврти краљевачки батаљон“. Според првичните информации, возилото „Seat“, управувано од маж со иницијали Ј.А., најпрво удрил во друго возило, а потоа излетал од коловозот.
Автомобилот се удрил во дрво, по што продолжил кон тротоарот, каде се наоѓало семејството. Петгодишното девојче било пренесено во болница, но за жал, лекарите не успеале да го спасаат. Неговата мајка, стара 32 години, и сестричката, која била во количка, исто така, се здобиле со тешки повреди, додека таткото поминал со полесни.
По несреќата било утврдено дека возачот немал возачка дозвола и веднаш бил приведен. Според локалните медиуми, му било одредено задржување до 48 часа. Сето тоа било снимено од безбедносна камера, при што се гледа како автомобилот излетува на тротоарот.
Оваа несреќа предизвика голема вознемиреност кај жителите на Краљево, а очевидци сведочат дека веднаш по инцидентот граѓаните притрчале да помогнат и повикале итна медицинска помош. Надлежните органи го истражуваат случајот за да ги утврдат околностите на трагичната несреќа.
