Ако денес добиете порака од вашата ќерка со прашањето „Може ли да ми префрлиш малку пари?“, можеби постои и официјално објаснување за тоа.
На 6 октомври се одбележува неофицијалниот „Национален ден за префрлање пари на ќерката“, ден кој со години е популарен на социјалните мрежи како можност за родителите да ги израдуваат своите ќерки со дополнителни средства за трошење.
Иако потеклото на овој необичен празник не е целосно разјаснето, познато е дека почнал да добива внимание во 2019 година и да се појавува во различни онлајн објави.
Идејата е едноставна: родителите испраќаат одредена сума на своите ќерки за да им го разубават денот без посебна причина.
Секако, се работи за неофицијален и забавен празник, па не постојат правила за тоа колку треба да биде „подарокот“. Некои луѓе можеби ќе изберат да испратат симболична сума, додека други ќе одлучат да бидат малку поиздашни.
Во секој случај, 6 октомври е уште еден од оние необични датуми кои интернетот ги претвора во повод за шега, внимание и – за некои родители – празнење на банковната сметка.
