На 6 октомври 2010 година, Инстаграм беше лансиран како апликација исклучиво за корисниците на „Ајфон“. Во првиот ден привлече околу 25.000 корисници, а денес е домаќин на приближно 3 милијарди активни корисници кои ја користат платформата за споделување фотографии и видеа.
Во своите почетоци, Инстаграм се разликуваше од денешниот изглед; фотографиите беа квадратни и корисниците често користеа филтри за да ја подобрат својата содржина. Тогаш корисниците споделуваа моменти од секојдневниот живот, вклучувајќи храна, патувања и фотографии со пријатели.
Тоа беше време пред воведувањето на „Сторис“ и „Рилс“, кога една обична фотографија имаше моќ да привлече внимание на почетната страница. Со текот на годините, Инстаграм еволуираше од едноставна апликација во моќна платформа која значително го промени начинот на комуникација и споделување на животите и содржините.
Платформата за многу корисници сега е и дигитална архива на спомени, со фотографии што ги документираат различните периоди од нивните животи. Инстаграм, од првите квадратни фотографии до современите видеа, е во постојана трансформација во текот на овие 16 години.
