Православните христијани денес, на 26 октомври, ја слават Светата великомаченичка Злата Мегленска, која е симбол за храброст, духовна сила и непоколеблива вера.
Според нејзиното житие, Злата живеела во XVIII век во селото Слатина, во областа Меглен. Потекнувала од скромно семејство, а уште како млада била позната по својата побожност.
Нејзиниот живот драматично се променил кога била заробена од маж кој се обидел да ја принуди да се откаже од христијанството. Упркос заканите и суровите мачења, таа останала верна на својата вера.
Во 1795 година, Света Злата Мегленска маченички го завршила својот живот, а нејзината приказна останала запаметена како сведоштво за истрајноста и духовната храброст.
Денес, таа се почитува како светителка и пример на достоинство и верност кон сопствените убедувања. Нејзиниот спомен има значајно место и во македонската духовна традиција.
На празникот посветен на Света Злата Мегленска, верниците традиционално се молат за здравје, мир и благослов во семејството. Оние што можат, посетуваат црква, палат свеќи и упатуваат молитви за себе и своите најблиски.
Во Прилеп, каде што постои параклис посветен на светителката, празникот се одбележува со собирање на верници, молитви и палење свеќи за здравје и среќа во домовите.
За овој ден не постојат задолжителни обичаи што треба да ги практикуваат сите верници. Најважно е молитвата, добрите дела и почитта кон светителката. Според православниот календар, денес не се пости.
