Песните на легендарната Весна Змијанац веќе со децении се неизменлив дел од музичкото секојдневие, а нејзините хитови и денес се исполнуваат со иста страст и емоција. Затоа, нејзиното предстоечко гостување во Скопје генерира големо интересирање, не само кај публиката, туку и кај македонските музички уметници.
Концертот, кој е закажан за 28 ноември во арената „Борис Трајковски“, се очекува да донесе незаборавна вечер исполнета со музика, носталгија и многу емоции. Весна Змијанац е пејачка која ги надминува генерациските граници, а нејзините балади и хитови со години се омилени кај љубителите на народната музика.
Македонските пејачи ја ценат нејзината значајна кариера и оставениот печат во регионалната естрада. Нејзините песни се дел од многу настани, прослави и незаборавни музички вечери, а токму емоцијата во нив е причината поради која публиката со нетрпение го очекува концертот.
За оние кои сè уште не обезбедиле билети, продажбата се врши преку Kupikarta.com. На 28 ноември, Скопје ќе биде сведок на вистински музички спектакл, исполнет со познати мелодии и големи хитови од богатата кариера на една од најпознатите пејачки во регионот.
