Фановите на Селена Гомез и Деми Ловато имаат причина за прослава! Двете звезди повторно се појавија заедно пред камера и ги оживеаја спомените од своето младешко време, кога снимаа видеоблогови на ЈуТјуб.
По речиси 18 години, Селена и Деми го обновија форматот што ги одбележа нивните тинејџерски години. Нивното ново видео е дел од соработката со Rare Beauty, козметичкиот бренд на Селена, и веднаш потсети на периодот кога обожавателите ги следеа нивните спонтани разговори и шеги.
„По 18 години, Делена повторно со видеоблог“, објави Rare Beauty на социјалните мрежи, спомнувајќи го прекарот „Делена“, кој го користат фановите за двете уметници.
Но, носталгијата тука не престанува. Селена и Деми повторно позираа во стилот на нивниот популарен филм „Princess Protection Program“ од 2009 година, во кој играа главни улоги. Ова потсети на една од најпознатите приказни од времето кога беа ѕвезди на „Дизни“.
Соработката ги воодушеви обожавателите и поттикна интерес. Двете пејачки го промовираат сетот „Delena Soft Pinch Blush Bundle“, кој вклучува две нијанси од течните руменила на Rare Beauty – Hope, омилена нијанса на Селена, и Virtue, одабрана од Деми, заедно со специјална четка за нанесување.
Селена и Деми се познаваат од детството, кога заедно играа во детската емисија „Barney & Friends“. Нивното пријателство преживеа низ разни фази, но новата соработка докажува дека повторно имаат можност да создаваат заеднички проекти и да поминуваат време заедно.
Нивното враќање пред камера донесе носталгија кај оние кои пораснаа со нивните видеа, додека на помладата публика ѝ понуди можност да открие оваа носталгична страна на нивниот однос.
