Популарниот американски инфлуенсер Брент Ривера предизвика големо внимание на социјалните мрежи со својата последна објава на Инстаграм.
На фотографијата, тој е забележан како седи на носилка пред амбулантно возило, со видливи модринки и црвенило на лицето, како и инфузија на раката.
„Моја сестра заборави дека сум алергичен на кикиритки…“, напиша Брент во описот, придружувајќи го со емотикони за акцентирање на ситуацијата.
Објавата доби различни коментари од следбениците; некои му посакаа брзо закрепнување, додека други се запрашуваа дали сето ова е шега или некоја сценка за видео.
Една од коментаторките укажа на опасноста од алергијата на јаткасти плодови, истакнувајќи дека вакви ситуации не смеат да се потценуваат. Други, пак, сметаа дека повредите можеби се создадени со специјална шминка.
Досега нема потврда дали Брент навистина имал алергиска реакција или ако фотографијата ги прикажува реалните настани, но сепак, неговата објава привлече големо внимание и иницираше дискусија за сериозноста на алергиите на кикиритки.
