in

Вештачката интелигенција може да открие што сонуваме: јапонски научници направија голем чекор кон „читање“ на соништата

Јапонски научници направија значаен напредок во обидите да ги дешифрираат човечките соништа. Со помош на скенирање на мозокот и вештачка интелигенција, тие успеале да препознаат одредени елементи од она што луѓето го доживуваат додека спијат.

Истражувањето било спроведено во 2013 година во јапонскиот институт ATR и покажало дека мозочната активност може да открие информации за содржината на сонот.

Во експериментот, учесниците биле следени со магнетна резонанца за да се забележи нивната мозочна активност. Научниците ги буделе во моментите кога почнувале да заспиваат, а потоа ги прашувале што сонувале.

Врз основа на собраните податоци и нивните одговори, системот потпомогнат од машинско учење успеал да предвиди пошироки категории на предмети и сцени што се појавувале во нивните соништа.

Ова откритие покажува дека одредени делови од содржината на сонот можат да се препознаат преку мозочната активност, дури и кога човек спие.

Сепак, технологијата сè уште не е доволно напредна за целосно да го реконструира сонот и да го прикаже како филм. Можноста еден ден да можеме да ги видиме сопствените соништа, местата на кои сме биле, луѓето што сме ги сретнале и настаните што сме ги доживеале додека спиеме, засега останува само научна цел.

Иако сме далеку од целосно „читање“ на соништата, ова истражување отвора нови можности за проучување на човечкиот мозок и процесите што се одвиваат за време на спиењето.

What do you think?

Leave a Reply

Your email address will not be published. Required fields are marked *

Ќерката на Илон Маск живее со три состанарки во Лос Анџелес, иако татко ѝ е меѓу најбогатите луѓе во светот

Саша Ковачевиќ ѝ честиташе роденден на поранешната девојка, а тие си разменија пораки на социјалните мрежи