Необично раѓање во Бразил привлече внимание, откако безбедносните камери го забележале моментот кога жена го родила своето бебе пред домот, само неколку минути пред да успее да стигне до болница.
Случајот се случил во градот Ибаити, во сојузната држава Парана. 26-годишната Мајра Тонче била во последните недели од бременоста и планирала да тргне во болница, но контракциите одеднаш станале многу силни и учестени.
Иako Мајра влегла во автомобилот, морала да излезе бидејќи породувањето започнало. Само неколку моменти подоцна, бебето Родолфо се родило пред куќата.
Снимката од надзорните камери покажува како Мајра се потпира на нискиот ѕид додека се породува, а нејзиниот сопруг Пабло во паника се обидува да организира помош. Нивната соседка се приближила и го презела бебето веднаш по раѓањето.
Ситуацијата била особено напната, бидејќи папочната врвца била замотана околу вратот на новороденчето. Пабло успеал да ја отстрани пред пристигнувањето на медицинската помош, додека семејството и соседите ја поддржувале Мајра.
По раѓањето, Мајра и бебето биле пренесени во болница, каде што биле прегледани. Според информациите, и мајката и новороденчето се во ред и подоцна биле пуштени дома.
Родолфо се родил со тежина од 3,07 килограми и бил долг 49 сантиметри. За семејството, случајот што започнал како трка до болницата завршил со неочекувано раѓање пред сопствениот дом и среќен исход.
Снимките од оваа необична ситуација повторно станаа хит на социјалните мрежи, привлекувајќи големо внимание од корисниците на глобално ниво.
