Свештеномаченик Власиј родом од Кападокија. Богобојазлив и кроток од раното детство. Заради неговите големи доблести бил избран за епископ на градот Севастија. Власиј беше голема духовна и морална светлина во тој незнабожечки град.
При жестокото гонење на христијаните, свети Власиј го охрабрувал своето стадо и ги посетувал Христовите маченици во затворите, меѓу кои особено се истакнал славниот Евстратиј. Кога градот Севастија останал сосема без христијани – едни загинале, други избегале – тогаш старецот Власиј се повлекол во планината Аргеос и таму се населил во една пештера.
Дивите ѕверови, препознавајќи го светиот човек, се собраа околу него, а тој нежно ги галеше. Но, гонителите го нашле светителот во тоа скришно место и го извеле на суд. По пат Власиј исцели момче на кое му заглавила коска во грлото. По жалбата на една сиромашна вдовица дека волкот и’ го украл прасето, тој постапил со силата на своите молитви, а волкот и’ го вратил прасето.
Темните судии жестоко го мачеа, го камшикуваа и сечеа. Со својата непоколебливост во верата Христова, Власиј приведе во верата многу незнабошци. Со него дошле седум жени и две деца. Најпрво се погубени жените, а потоа прекрасниот Власие со двете деца. Пострада и стана славен во 316 година.
Народот се моли на свети Власиј за напредок на домашниот добиток и заштита од ѕверови. На Запад му се молат и против болки во грлото.
GIPHY App Key not set. Please check settings