Во боливискиот град Вјача, на околу 30 километри од Ла Паз, се случи силна експлозија во воен објект, при што загинаа најмалку две лица, а десетици се повредени.
Експлозијата, која се случи во петокот околу 14:30 часот по локално време, е предизвикана од пиротехнички материјал, конкретно огномети кои беа дел од залихите на Министерството за одбрана. По инцидентот, на местото веднаш пристигнаа пожарникари, полиција и медицински екипи, а спасувачите започнаа со пребарување.
Според последните информации, 14 лица се водат како исчезнати, а експлозијата предизвика значителна штета и во околните куќи.
Надлежните органи моментално испитуваат причините за експлозијата и дали материјалот бил соодветно складиран. Се предупредува на можен ризик од нови експлозии, поради присуството на извор на топлина на местото на инцидентот, а жителите се советувани да се оддалечат од зоната.
