Секој со просечен приход мора многу години да плаќа пари во пензиски фонд за да го достигне егзистенцијалниот минимум во старост.
Многумина кои работат во Германија добиваат мала пензија и покрај годините на работа. Овде можете да прочитате колку треба да работите за пензија од 1.200 евра.
Оваа пресметка покажува колку години треба да работите за да добиете пензија од 1.200 евра во старост, пишуваат германските медиуми.
Пензија од 1.200 евра
Според новата пресметка на Министерството за труд и социјала, просечниот пензионер мора да уплаќа во пензискиот фонд повеќе од 27 години за да добие старосна пензија над нивото на социјалната помош. Вкупно, тие мора да платат најмалку 83.600 евра придонеси, пишува списанието Феникс.
Се претпоставува дека во текот на целиот работен век работниците оствариле приходи што одговараат на просекот на осигурените лица.
Основното осигурување за старост варира во зависност од тоа каде живеете, бидејќи ги зема предвид и трошоците за домување.
Просечното основно осигурување на крајот на 2022 година изнесувало околу 862 евра месечно. За да добие пензија од 1.200 евра месечно, просечниот работник треба да има околу 37 години и шест месеци стаж и да плати околу 105.000 евра пензиски придонес.
За пензија од 1.500 евра
За да добие пензија од 1.500 евра, просечниот работник би требало да работи околу 47 години и да уплати околу 118.000 евра во пензискиот фонд. Всушност, многу малку луѓе успеваат.
- Платите и пензиите се непропорционални. Не излегува доволно од она што го плаќаат луѓето, рече пратеникот во Бундестагот Серен Пелман. „Ни треба голема пензиска реформа.
