По три распродадени арени, Весна Змијанац доаѓа во Скопје со голем концерт во рамките на нејзината „Golden Tour – 50 години кариера“ на 28 ноември во арената „Борис Трајковски“.
Иако првично беше предвиден во арената „Јане Сандански“, интересот на публиката го натера организаторот да го премести во поголемиот простор. Публиката која веќе купила билети за првата локација нема причина за грижа, бидејќи купените билети важат и за новата локација.
Весна Змијанац има долгогодишна музичка кариера зад себе, исполнета со многу хитови, и нејзиниот концерт ќе биде дел од прославата на 50 години на сцената. За оние кои сè уште не обезбедиле билет, продажбата тече преку Kupikarta.com, и Скопје се подготвува за музички спектакл исполнет со омилени песни и емоции.
