Холивудската актерка Хајден Панетијере денеска требаше да го прослави својот 37. роденден. Родена на 21 август 1989 година, нејзиниот живот заврши ненадејно само пет дена пред оваа значајна дата.
Панетијере, позната по улогите во сериите „Heroes“ и „Nashville“, била пронајдена без свест во својот дом во Јужна Каролина. И покрај обидите на итните служби да ја реанимираат, таа починала.
Околностите на нејзината смрт сè уште се истражуваат, но досега не се утврдени индиции за насилна смрт. Оваа вест особено ги потресе нејзините обожаватели, бидејќи се случи непосредно пред роденденот. Зад себе остави 11-годишната ќерка Каја, која е плод на нејзината врска со поранешниот боксер Владимир Кличко.
Панетијере стана славна како дете, а светска популарност стекна со улогата на Клер Бенет во „Heroes“. Потоа продолжи да блеска со улогата на Жилиет Барнс во „Nashville“ и во филмскиот серијал „Scream“.
Во текот на својата кариера, актерката отворено разговараше за тешките моменти во животот и личните предизвици со кои се соочувала. Денес, на нејзиниот 37. роденден, многумина се потсетуваат на неа и нејзината кратка, но блескава кариера.
