Во текот на денот, времето ќе биде сончево и топло, со мала до умерена облачност. Сепак, попладневните часови ќе донесат значителна промена на временската состојба.
Како што се приближува попладнето, се очекува нестабилно време, со пороен дожд, грмежи и засилен ветер. На некои места, временските услови можат да прераснат во посериозно невреме, кое ќе биде проследено со силен ветер, интензивни пороени дождови и град.
Ветерот ќе биде слаб до умерен, обично од северен правец.
Температурите во следниот период ќе бидат во широк опсег, со минимални вредности од 15 до 22 степени, додека максималните дневни температури ќе достигнуваат од 30 до 35 степени.
Во Скопје, денот ќе започне сончево и топло, но попладне се очекува нестабилно време со пороен дожд, грмежи и силен ветер. Ветерот ќе биде слаб до умерен и од променлив правец.
