Пако Рабан: Голем моден револуционер, но и човек полн со љубовни тајни кои никој нема да ги знае

На 88-годишна возраст почина познатиот шпански дизајнер Пако Рабан. Многумина ќе го паметат по неговите специфични парфемски креации, но и по револуцијата што ја направи во светот на модната индустрија.

Пако Рабан беше шпански дизајнер кој стана „револуционер“ во светот на модата во 1960-тите. Започнал да прави накит од необични материјали за многу француски модни дизајнери, а во 1964 година на 30-годишна возраст ја претставил првата колекција на облека од необични материјали.

Во 1966 година, тој остана запаметен во светот на модната индустрија по шоуто „Дванаесет непогодни фустани изработени од современи материјали“ и благодарение на ова шоу го најде својот животен повик – моден дизајнер. Пако правеше фустани од хартија, пластика и метал, а користеше лепак и метална жица за врзувачки материјали.

До 1968 година, најпознатите жени на модната писта ги носеа неговите парчиња, а во соработка со Андре Куреж и Пјер Карден, тој помогна да се создаде нов правец во модата – „Space Age“.

Во согласност со идејата за насоката, Пако користел разни материјали кои не ги опфаќале вообичаените текстили, туку, напротив, метални, златни, сребрени предмети – со различни форми и големини кои биле испреплетени со силни конци, лепак, а често и метални жици. Со овој потег Пако Рабан си обезбеди „почесно место“ во светот на модната индустрија, во светот на најголемите креативни дизајнери кои прошетаа по светот.

Што се однесува до неговиот љубовен живот, ретко кој знае дали познатиот моден дизајнер некогаш бил во врска. Како што пренесуваат странските медиуми, тој својот емотивен живот го криел под превез од тајни, а ни до ден денес не се знае дали имал „содружник во криминалот“.