Полицијата во Кавадарци вчера привела 52-годишен маж поради пријава за долгорочно вознемирување на неговата поранешна сопруга.
Според информациите од Министерството за внатрешни работи, мажот се појавувал повеќепати во близина на нејзиниот дом и местото на работа, обидувајќи се да стапи во контакт со неа.
По пријавата, полицијата од ОВР Кавадарци презела мерки и го лишила од слобода Л.А. Проверките покажале дека мажот бил под дејство на алкохол, при што алкотестот покажал 2,81 промили во крвта.
Тој бил задржан во полициската станица, а за настанот е известен и јавен обвинител. Од МВР соопштуваат дека по целосното документирање на случајот, ќе следува соодветна пријава.
