Сензационално од НАСА! Кој ќе лета околу Месечината?

НАСА ја претстави првата жена и првиот афроамерикански астронаут што лета околу Месечината.

Кристина Кок ќе биде специјалист, а Виктор Гловер ќе биде пилот на мисијата Артемида II, која ќе започне следната година. Двајцата се дел од четиричлениот екипаж на вториот лет со екипаж до нашиот природен сателит по празнина од повеќе од 50 години.

Во тимот е и Џереми Хенсон – првиот Канаѓанец кој учествувал во лунарна мисија. Командант е Рид Вајсман, ветеран на Меѓународната вселенска станица. Избраните беа претставени во вселенскиот центар Џонсон во Хјустон, информира БНТ.

Нивната програма не вклучува слетување на Месечината, кое треба да се случи до крајот на оваа деценија. Артемида е наследник на програмата Аполо и предвидува воспоставување лунарна база како почетна точка за идните мисии на Марс.