Сите грешиме: Ова се најчестите грешки што ги прават сопствениците на кучиња

Многу сопственици се наоѓаат во дилема, бидејќи од една страна го сакаат најдоброто за своето куче, а од друга страна има бескрајни опции и поделени мислења за важни прашања. Но, доколку сте спремни да ги слушате зборовите на стручњаците, ви откриваме што има да каже Цезар Милан, познатиот „шепот на кучиња“ за најголемите грешки што ги прават сопствениците на кучиња.

Верувале или не, но најголемата грешка што ја прави речиси секој сопственик на куче е тоа што го гледа својот миленик како свое дете. Овој став е непродуктивен на долг рок и за кучето и за сопственикот. Милан истакнува дека е многу важно сопствениците на кучиња да бидат и да останат самоуверени „лидери на чопор“. Вие сте таму за да му „комуницирате“ на вашето куче кои се правилата што тој мора да ги следи, како и кои граници и забрани постојат за него.

Потребите на кучињата се индивидуални, кога станува збор за облеката, забележува Милан. Доколку вашето домашно милениче има тенок слој, можно е да му биде потребна дополнителна заштита во текот на зимата. Ако сакате да поминувате многу време надвор со него во зимските месеци, а крзното му е прилично тенко, џемпер или јакна не се лоша опција. Би било погрешно да се претпостави дека сите кучиња имаат доволно густо крзно за да се заштитат од студот. Иако, истакнува Милан, не треба да претерувате со модните додатоци кога се во прашање кучињата.

Ова зависи и од расата на кучето што го имате и временските услови. Иако се чини дека шепите на кучето се дизајнирани да издржат и топли и ладни услови, тие имаат свои граници. Во овој поглед, заштитата на шепите на кучето е неопходна за да се спречи смрзнатини. Чизмите се добра опција за кучињата, бидејќи ги штитат од влага и студ, како и сол на патот и разни други хемикалии. Отпрвин, на вашето домашно милениче ќе му биде чудно да шета во нив, но со малку вежбање низ домот, ќе се справи сосема добро. Повторно, нагласува Милан, погрешно е да се претпостави дека на кучето не му требаат чевли, од едноставна причина што до неодамна не се ни размислуваше.