Скопје денес е во знакот на спортот, со одржување на 22-ото издание на Скопскиот маратон, кој привлекува голем број на учесници и го претвора градот во тркачка арена.
Трките, вклучувајќи маратон, полумаратон и штафетна трка „ЕУ за спорт“, започнаа во 08:05 часот од пешачкиот премин кај „Рекорд“, додека трката на 5 километри стартуваше во 08:00 часот во близина на Црвениот крст. Сите трки завршуваат на плоштадот „Македонија“.
Поради овие настани, воведен е посебен сообраќаен режим на повеќе улици и булевари во Скопје, при што возачите треба да ги следат знаците и указувањата на службените лица.
Трасата обфаќа делови од улиците „Македонија“, „Димитрие Чуповски“, булеварот „Митрополит Теодосиј Гологанов“, „Васил Чакаларов“ и други сообраќајници во централното подрачје, Кисела Вода и Аеродром.
Годинашното издание на маратонот опфаќа маратон на 42,195 километри, полумаратон на 21,097 километри, штафетен маратон и трка на 5 километри.
Сообраќајните ограничувања се очекува да траат до 14:00 часот, по што активностите ќе се нормализираат.
Скопскиот маратон повторно потврдува својот статус како еден од најзначајните спортски настани, а денешниот ден е исполнет со тркачи, навивачи и љубители на спортот. Скопје денес не само што трча, туку и пулсира во ритамот на маратонот!
