Во Словенија, вработените од годинава имаат законско право на зимски регрес, минималниот износ за 2026 година изнесува 740,94 евра. Ова важи за оние кои биле вработени цела година со полно работно време.
Овој бонус беше воведен во 2025 година и неговата висина е поврзана со минималната плата во земјата. Според законот, зимскиот регрес изнесува половина од минималната плата, која во Словенија во 2026 година изнесува 1.481,88 евра.
Работодавачите мора да ги исплатат средствата најдоцна до 18 декември 2026 година, а регресот се исплаќа во готовина. Компаниите можат да одредат и поголем износ од минималниот законски.
Важно е да се напомене дека не сите вработени автоматски ќе добијат целата сума. Лицата кои започнале со работа во текот на годината или го прекинале работниот однос пред крајот на годината обично имаат право на пропорционален дел, кој може да зависи и од договореното работно време.
Законот предвидува можност за одложена исплата во случаи на финансиска тешкотија, но тоа е возможно само под одредени услови и ако е предвидено со соодветен колективен договор. Во такви случаи, рокот може да биде продолжен до 31 март следната година.
Со воведувањето на оваа законска обврска, зимскиот регрес станува задолжителен надоместок за работниците, што не зависи од добра волја на работодавачот.
