Во најновото издание на „Фејм Код“ со Стефан Крстевски, познатата македонска модна дизајнерка Стефанија Насеска Попадинец е гостинка. Таа има бројни успешни настапи и модни ревии во странство.
Стефанија неодамна учествуваше на China Fashion Weekend во Кина, каде ја презентираше својата работа пред меѓународна публика, продолжувајќи да го зајакнува своето присуство на глобалната модна сцена.
Нејзиниот пат во модата не започнува во Кина. Стефанија веќе има искуства од модни настапи во Сараево, Варшава и на други меѓународни локации, каде што нејзиниот дизајнерски стил привлече внимание.
Во емисијата „Фејм Код“, таа отворено говори за нејзиниот успех во модата, искуствата од странските модни сцени и предизвиците со кои се соочува еден дизајнер на нови пазари. Исто така, дискутира за значењето на градењето сопствен бренд и препознатлив стил.
Гостувањето ќе содржи интересни модни дилеми, разговори за стилот и естетиката, како и границата помеѓу „Шик или кич“. Стефанија ќе открие многу детали од нејзината кариера кои досега не се познати во јавноста.
Не пропуштајте ја „Фејм Код“ со Стефан Крстевски и Стефанија Насеска Попадинец вечерва во 20:00 на официјалниот ЈуТјуб канал на Хајп Македонија.
