Во животот на една од најуспешните македонски манекенки се случи значајна промена!
Татјана Јанушева се вери, а на својот Инстаграм-профил откри впечатлив дијамантски прстен, пишувајќи: „Конечно го добив дијамантот“, потврдувајќи ја радосната вест и привлекувајќи внимание од своите следбеници.
Дополнителен романтичен момент донесе нејзиниот долготраен партнер Давид, кој сподели фотографија од Дубровник со емотивна порака: „Морето под нас, Дубровник позади нас, целиот живот пред нас“.
По долгогодишната љубов, Татјана и Давид започнуваат нова фаза во својата врска, а дијамантот на нејзината рака не остана незабележан.
Татјана, од Велес, важи за една од најуспешните македонски манекенки, со меѓународна кариера која вклучува кампањи за познати брендови како Gucci и соработка со престижни модни списанија како ELLE.
По големите професионални успеси, Татјана сега има уште една причина за славење – љубовта со Давид влезе во ново поглавје, а таа гордо го носи вереничкиот прстен.
