Во Англија дошло до трагичен инцидент, по кој маж го загубил животот во напад од тигар во „Јоркшир Вајлдлајф Парк“, сместен близу Донкастер.
Според прелиминарните информации, настанот се случил во саботата, кога мажот влезел во оградениот простор на тигрите. И покрај брзата реакција на итните служби, мажот не успеал да преживее по добиените повреди.
По трагедијата, посетителите од паркот биле евакуирани, а надлежните започнале истрага за да ги утврдат сите детали околу инцидентот.
Полицијата потврдила дека тигарот е без повреди и останал во својот ограден простор. Во моментов, работата на расветлувањето на случајот продолжува, а до моментот не се познати дополнителни информации за починатиот.
