in

Уште 7 дена до големиот концерт на Весна Змијанац во Скопје

Почна одбројувањето до големиот концерт на една од најпознатите балкански музички ѕвезди, Весна Змијанац, која ќе настапи на 28 ноември во арената „Борис Трајковски“ во Скопје.

Настапот е дел од нејзината голема турнеја „Golden Tour – 50 години кариера“, со која ја одбележува својата педесетгодишна работа на музичката сцена, исполнета со бројни хитови, незаборавни настапи и песни што со години ги пеат генерации обожаватели.

Интересот за концертот во Скопје е многу голем, па поради зголемената побарувачка настанот беше преместен од арената „Јане Сандански“ во поголемата „Борис Трајковски“. Датумот останува ист, што значи дека сите љубители на нејзината музика ќе имаат можност на 28 ноември да уживаат во голема музичка вечер.

Весна Змијанац зад себе има богата кариера и многу песни што станаа вистински евергрини на регионалната музичка сцена. Нејзините хитови и денес се пеат на концерти, забави и собири, па се очекува скопската публика да ја пречека со големо внимание и силни емоции.

Билетите сè уште се продаваат преку платформата Kupikarta.com, а сите што досега не обезбедиле место можат да го сторат тоа пред големата музичка вечер.

На 28 ноември арената „Борис Трајковски“ ќе биде домаќин на прославата на 50 години музика, хитови и кариера на Весна Змијанац, вечер што љубителите на нејзината музика ја очекуваат со нетрпение.

What do you think?

Leave a Reply

Your email address will not be published. Required fields are marked *

Силен земјотрес го погоди централниот дел на Перу, почувствуван и во Лима

Светски ден на телевизијата: Од црно-бели екрани до паметни уреди