Велигденските пости оваа година започнуваат на 27 февруари (понеделник) и траат до 15 април (сабота). Ова е движечки пост и е најважниот пост во годината.
Неговата главна задача е физички и психички да не подготви за празникот Воскресение Христово, а за време на овој пост се воздржуваме од месо, јајца, сирење, млеко и друга храна со животински масти.
Виното и маслото се дозволени само во сабота и недела, но и на денот на Светите четириесет маченици (22 март), додека рибата може да се користи само на Благовештение (7 април) и Цветници (9 април). Пост „на вода“ во сите останати денови, особено строго во среда и петок.
Посебно строго се постат првите три дена од првата недела на Великиот Велигденски пост. Истото важи и за последната недела од постот, која ја постиме „на вода“, освен Велики четврток (13 април), кога се дозволени масло и вино .
На Велики петок (14.04) се воздржуваме од јадење и пиење додека не се соблече наметката, односно до 3 часот попладне, по што се зема лесен оброк „на вода“. Исто така, строго се пости и на Велика Сабота (15 април), како единствена посна сабота во текот на годината.
Не треба да заборавиме дека постот не значи дека се воздржуваме само од мрсна храна, туку пред се’ од лоши мисли, желби и постапки.
Постот е многу важен за духовниот и физичкиот живот, тоа е време кога се се мери и тој е првиот чекор на патот на спасението. Без духовен пост, велат свештениците, самиот физички пост не е прифатен од Бога. Постот пред се’ има духовно значење и органски е поврзан со целокупниот духовен живот.
GIPHY App Key not set. Please check settings