И покрај тоа што многумина сметаат дека видеоигрите се хоби на младите, 96-годишната Хамако Мори од Јапонија докажува дека годините не се пречка за љубовта кон гејмингот.
Популарна на интернет како „Gamer Grandma“, Мори со години ги инспирира луѓето ширум светот со својата посветеност на видеоигрите. Нејзиниот интерес за гејминг започнал во 1980-тите, кога ги гледала децата околу неа како играат, и решила и сама да се придружи.
Непосредно откако го добила првото свое гејмерско искуство со конзолата Cassette Vision, нејзината колекција почнала да се шири и игрите станаа неизоставен дел од нејзиниот секојдневен живот.
