Бака Прасе се огласи за да ги разјасни шпекулациите на социјалните мрежи кои велат дека неговото раскинување со инфлуенсерката Милена Стаменковиќ е само маркетиншки потег за привлекување внимание.
Популарниот јутјубер нагласи дека ова раскинување е реално и дека се наоѓа во тешка ситуација. „Раскинувањето не е фејк. Видеото немаше да го објавам ако луѓето не почнаа со своите предвидувања. Сакав да им ја кажам вистината на оние што ме следат и ме сакаат“, изјави тој.
Тој исто така потенцира дека луѓето премногу се обидуваат да го предвидат неговиот следен потег без да разберат дека овојпат нема одреден план. „Можеби не станува збор за содржина? Можеби и јас сум само човек со свои проблеми?“, изјави Бака Прасе.
Во своето емотивно обраќање, тој истакна дека зад својот јавен имиџ се крие многу пореална слика. „Сите ме прашуваат: ‘Бако, кога ќе биде ајфонот?’, но никој не прашува: ‘Бако, како си?’. Не сум во добра состојба. Тешко ми е и, иако сум виновен што изгледам неуништлив, и јас имам чувства“, кажа тој.
Бака Прасе сака да ја разјасни ситуацијата и да повика на свест дека овој пат не станува збор за нова стратегија, туку за личен и тежок период што го поминува.
