Дали постои врска помеѓу употребата на електронски уреди и развојот на мозокот во детството?

Прекумерната употреба на електронски уреди во раното детство може да доведе до влошување на когнитивните способности во зрелоста, пренесе ТАСС, цитирајќи го Straits Times.

„Студијата дава силен доказ за други студии кои се веќе спроведени, дека времето што нашите деца го поминуваат со електронски гаџети треба внимателно да се следи, особено во раните фази на развојот на мозокот“, рече Евелин Лоу, коавтор на студијата. и научник на Националниот универзитет во Сингапур и на Сингапурскиот институт за клиничка медицина.

Во студијата, спроведена во текот на неколку години, научниците набљудувале 506 деца. Од нивните родители се собирале информации за тоа колку часови дневно поминуваат пред екраните на различни уреди. После тоа, прегледаните деца беа поделени во групи во зависност од времето што го по.минуваат со апарати и се правеа тестови во интервали од неколку години

Резултатите покажаа дека колку повеќе време малите деца поминуваат со уреди, толку позначајни отстапувања во активноста на мозокот и повеќе оштетувања во когнитивните способности се појавуваат подоцна. Научниците исто така воспоставија врска помеѓу прекумерната употреба на гаџети и нарушувања во извршните функции на мозокот, кои се одговорни за контролирање на импулсите и емоциите, за извршување на сложени задачи и за концентрирање на вниманието.