Еве како да го засилите вашиот Wi-Fi сигнал со помош на работите што ги имате во вашата кујна

Ако имате проблеми со Wi-Fi сигналот дома, овие едноставни чекори можат да ви помогнат.

Дома веројатно веќе имате се што ви треба – доволна е само една алуминиумска фолија, пишува „Reader’s Digest“.

Иако овој трик веројатно звучи како уште еден трик кој не функционира, тој всушност е испробан од професори од Универзитетот Дартмут и докажано е дека делува.

Според нив, користењето на површини како што е внатрешноста на лименката или алуминиумската фолија може да го зајакне Wi-Fi сигналот во некои области, додека може да го ослаби во други.

Еве детално објаснување како да го засилите вашиот Wi-Fi сигнал со фолија.

Подготовка на материјали

Најдете ролна алуминиумска фолија и исечете парче што е приближно со исти димензии како вашиот рутер. Ако рутерот има надворешна антена, направете ја фолијата неколку сантиметри повисока. Ако има внатрешна антена, не е важно колку е висока фолијата.

Преклопете ја фолијата

Свиткајте ја фолијата во форма на буквата „Ц“, така што сјајната страна да биде свртена навнатре. Можеби ќе треба малку повеќе да го свиткате горниот дел од фолијата за да го покриете целиот рутер ако има надворешни антени.

Ставете ја фолијата зад рутерот

Поставете ја свитканата фолија зад рутерот, со заоблениот дел свртен кон рутерот и просторијата каде што сакате да го засилите сигналот.

Проверете ја брзината на интернетот

Отворете Google, а потоа напишете „тест на брзина“, потоа изберете ја опцијата за проверка на брзината на интернетот. Ова е најбрзиот начин да се потврди дали трикот работи, пренесува „b92“.