ЕВРОПСКИОТ ТУРИЗМ ДОЖИВЕА БУМ Еве која земја забележа најголем скок!

Меѓународните туристи годинава во Европа ќе потрошат рекордни 800 милијарди евра

Европскиот туризам цвета, со повеќе посетители и 37 отсто повеќе трошоци отколку пред пандемијата.

Меѓународните туристи оваа година во Европа ќе потрошат рекордни 800 милијарди евра, се вели во извештајот на Европската комисија за патувања објавен од Блумберг. Тоа претставува импресивен пораст од 37 проценти од нивото пред пандемијата од 583 милијарди евра, според податоците за туризмот на Обединетите нации, цитирани од публикацијата.

„Засега гледаме дека дестинациите на јужна Европа и Медитеранот остануваат исклучително популарни меѓу патниците во Европа“, рече извршниот директор на Европската комисија за патувања.

Туристите го ценат потоплото време во овие области. Грција сè уште останува многу посакувана дестинација, додека регионите како Хрватска и Малта забележаа зголемување на странските туристи за 7,6 отсто и 37 отсто, соодветно, во споредба со 2019 година.

Албанија забележа забележителен скок на бројот на туристи, со пораст од 86 отсто во однос на 2019 година. Според извештајот, 72 отсто од вкупните туристички трошоци биле направени во Западна Европа, а повеќето од овие туристи се Американци.

Други ги планираат своите патувања благодарение на поволниот девизен курс. Меѓународните туристички пристигнувања се зголемени за 22 отсто во Турција и 29 отсто во Бугарија во споредба со 2019 година, додека во Србија овие пристигнувања скокнале за 40 отсто во однос на периодот пред пандемијата.

Иако речиси 800 милијарди долари додадени на европската економија се секако многу позитивни, некои земји не се толку ентузијасти за хипертуризмот во нивните региони. Некои дестинации воведоа рестриктивни мерки како што се забрани за нови хотели и такси за еднодневни патувања, а локалното население почна да протестира против прекумерниот туризам.