Ѕвездата на „Пријатели“, Метју Пери, чија трагична смрт го потресе светот минатата година, вчера ќе го прославеше својот 55-ти роденден. Пријателите во оваа прилика го посетија неговиот гроб кој го украсија со цвеќиња и свеќи и му оставија посебна порака, изгравирана на плоча во форма на срце.
„Кој те имаше во животот беше посреќен. Храбар Метју, ќе ни недостасуваш секогаш и засекогаш. Големо и искрено срце, никогаш не се откажа. Ти благодариме што не насмеа, драг пријателе“, пишуваше на плочата, пренесува Индекс.
За потсетување, Пери имаше долга историја на зависност, а минатата година беше пронајден мртов во топла када во неговиот луксузен дом во Лос Анџелес со исклучително високо ниво на кетамин во телото.
Неодамна беа уапсени пет лица поради вмешаност во заговор за дистрибуција на кетамин, од кој почина актерот. Според обвинението, двајцата лекари првично го снабдувале актерот со залихи од кетамин, а кога лековите станале прескапи, тој ги набавил од други извори, меѓу кои и жена позната како „Кралицата на кетамин од Лос Анџелес“.
Јасвен Санга (41), „кралицата на кетаминот“, д-р Салвадор Пласенсија (42), д-р Марк Чавез (54) и личните асистенти на актерот Кенет Ивамаса (59) и Ерик Флеминг (54) се уапсени. Фокс. Би-би-си известува дека истрагата открила широка криминална мрежа на добавувачи на кетамин кои го снабдувале лекот на Пери и ги искористиле неговите проблеми со зависноста.
Полицијата соопшти дека осомничените виделе можност да заработат брзо и наплатиле дури 2.000 долари за шише кетамин, кое обично чини 12 долари.
GIPHY App Key not set. Please check settings