Јелена Карлеуша синоќа одржа настап во Белград, а нејзиниот поранешен сопруг, фудбалерот Душко Тошиќ, беше дел од публиката, привлекувајќи големо внимание со своето присуство.
Карлеуша и оваа вечер блескаше со впечатливиот изглед. За настапот избра тиркизен костим со мотиви од пеперутки – горниот дел беше во форма на пеперутка, а мини-здолништето беше украсено со бројни тиркизни детали.
Нејзиниот изглед го заокружи со долга платинеста коса, покажувајќи дека знае како да ја задржи вниманието на сцената.
Според снимките од настапот, Тошиќ дојде да ужива во хитовите на својата бивша сопруга, што предизвика дополнителни шпекулации во јавноста, особено по неодамнешната прослава на Карлеуша, каде двајцата беа заедно со нивните ќерки.
Нивните последни заеднички појавувања поттикнаа гласини дека можеби меѓу нив има повеќе од само пријателство. Сепак, нема официјални потврди дека тие повторно се заедно, а нивната блискост може да е поврзана и со грижата за ќерките, Атена и Ника.
Карлеуша неодамна спомена и како Тошиќ се однесува кон нивните ќерки, за кои во септември планираат голема заедничка прослава по повод родендените. Атена наполнува 18, а Ника 17 години, и Карлеуша најави дека се подготвува посебна прослава која ќе биде во знак на сеќавање.
„Душко е великодушен кога станува збор за родендените на децата“, рече пејачката.
Тошиќ повторно стана предмет на внимание по неговото присуство на роденденската прослава на Карлеуша, што предизвика шпекулации и за неговиот личен живот, особено откако неговата поранешна партнерка Нора Миловановиќ престана да го следи на Инстаграм по неговото појавување на прославата.
Сепак, останува неизвесно дали односот помеѓу Карлеуша и Тошиќ навистина добива нова димензија или само се обидуваат да одржат добар однос поради нивните ќерки.
