Во Тутунскиот комбинат во Прилеп е откриен нов случај на сомнеж за незаконско постапување. Според информации од Министерството за внатрешни работи, во почетокот на 2022 година, околу 185 тони отпадно железо биле изнесени од комбинатот, а постојат сомневања дека приходот од продажбата не завршил во касата.
Во истрагата се вклучени повеќе лица, вклучувајќи поранешен раководител на обезбедувањето, сопственик на приватна компанија и поранешен генералниот директор на комбинатот.
Според обвиненијата, отпадното железо од единицата „Заводи – Мажучиште“ било предадено на приватна фирма која се занимавала со откуп на секундарни суровини. Наместо целосното количество да биде соодветно евидентирано, полицијата сомничи за користење откупни документи со податоци за повеќе физички лица.
Дел од средствата добиени од продажбата на отпадот биле префрлени на сметки на други лица, а потоа повлечени во готовина. Има сомнежи дека на крајот парите завршиле кај едно од пријавените лица.
Вкупната сума со која Тутунскиот комбинат е оштетен изнесува 3.338.328 денари, додека на сметката на компанијата се уплатени само 1.274.560 денари од продажбата на отпадниот материјал. Во случајот, поранешниот генерален директор е пријавен поради несовесно работење, додека останатите лица се товарат за различни кривични дела, вклучувајќи злоупотреба на службената положба, проневера и фалсификување документи.
