Кендал Џенер и Џејкоб Елорди повторно привлекоа внимание во Париз, каде што беа забележани за време на Париската недела на модата. Нивното присуство пред камерите ги подгреа шпекулациите за нивната врска.
Манекенката и австралискиот актер постојано се држеа за рака и во еден момент Џејкоб ја прегрна Кендал, додека се движеле низ улиците на градот. Кендал се одлучи за едноставна, но стилска комбинација: сива кратка тоалета и црни чевли, додека Џејкоб носеше бела кошула и црни панталони.
Нивната појава следеше по поддршката што Џејкоб ѝ ја даде на Кендал во Милано, на ревијата на „Ботега Венета“, каде таа неочекувано ја заврши модната изложба за колекцијата пролет/лето 2027, додека тој седеше во првиот ред.
По ревијата, парот се упати за Париз, но нивниот повраток кон хотелот не беше целосно мирен. Папараците ги следеа и Џејкоб, во еден момент, им се обрати и побара од нив да престанат да ги фотографираат. „Чекајте, чекајте, можеме ли само да си одиме дома? Стоп, стоп“, се слуша во видеото од улиците на Париз.
Кендал и Џејкоб влегоа во центарот на внимание веќе неколку месеци, а нивната романса почна да се споменува во пролетта 2026 година. Оттогаш, беа фотографирани заедно на различни локации, вклучувајќи Хаваи, Лондон, Јапонија и Австралија.
Иако досега не делеле многу информации за својот однос, нивните последни појавувања се сè пооткривачи, со заеднички патувања, вечери и, конечно, држење за рака низ улиците на Париз. Очигледно, тие не се обидуваат да го избегнат вниманието на јавноста.
