Кога е вистинското време за дупчење на ушите на бебињата?

Еве што советуваат педијатрите…

Пирсингот на ушите на бебињата е вообичаена практика во многу култури. Сепак, Американската академија за педијатрија (ААП) препорачува родителите да почекаат додека нивното дете не порасне за да донесат сопствена одлука за пирсинг на увото.

Препораката на ААП има за цел да им овозможи на децата сами да донесуваат одлуки за своето тело. Друга предност на чекањето е тоа што детето ќе може да се грижи за чистењето по пирсингот, со што се намалуваат шансите за инфекција.

Ако сè уште сакате да ја донесете таа одлука во име на вашето дете, има неколку клучни работи што треба да ги земете предвид. Прво, не треба да се дупчат ушите на детето пред да наполни два месеци, кога обично се дава првата доза од вакцината против тетанус.

„По пирсингот на ушите ќе има болка која ќе исчезне за неколку дена. Колку е помало детето, толку е помала веројатноста да посегне по ушите и да ја извади обетката. Постарите бебиња, во период од пет или шест месеци , може да ја локализира болката. Тоа е проблематично“, вели педијатарот Норина Окампо за Fatherly.

„Во првиот месец од животот постои поголем ризик локалната инфекција да навлезе во системот и да стане системска. Бактериите како стафилококи живеат на кожата, а доколку навлезат во телото, последиците можат да бидат сериозни“, вели педијатарот. Рави Џарам.