Тешка сообраќајна несреќа се случила ноќеска на автопатот „Пријателство“ во близина на Трубарево, при што двајца лица здобиле тешки повреди.
Како што соопшти СВР Скопје, на 31 октомври 2026 година, во 01:10 часот, било регистрирано дека патничко возило „мерцедес“ со скопски регистарски ознаки, управувано од 33-годишниот Н.М. од Батинци, изгубило контрола и излетало од патот, завршувајќи во дворот на семејна куќа.
Во несреќата, тешки повреди претрпеле возачот Н.М. и неговиот сопатник, 39-годишниот Д.Г. од Скопје. Повредите им биле констатирани во Ургентниот центар на „Мајка Тереза“ во Скопје.
Увид на местото на несреќата направила екипа од СВР Скопје.
