Месечината наскоро ќе има своја временска зона

Вселенските организации размислуваат да и дадат на Месечината своја временска зона, пишува Sky News. Европската вселенска агенција (ESA) потврди дека се планирани десетици мисии на Месечината, вклучувајќи ги и оние за изградба на бази на Месечината. На крајот на минатата година, дискусиите за мерење на времето на Месечината започнаа во технолошкиот центар ESTEC на ESA во Холандија.

„Се согласивме за важноста и итноста од дефинирање на заедничко лунарно референтно време, кое е меѓународно прифатено и на кое можат да се повикуваат сите лунарни системи и корисници. Сега се започнува заеднички меѓународен напор за да се постигне тоа“, изјави Пјетро Џордано, инженер на ESA – систем за навигација, пренесува Index.hr. 

Досега, секоја мисија на Месечината работеше на сопствена временска скала, со антени во вселената користени за синхронизирање на хронометарот на вселенското летало со времето на Земјата. Покрај тоа што може да се каже времето на Месечината од страна на астронаутите и контролорите на земјата, потребата од стандардно мерење на времето во вселената е неопходна и за водење и навигација.

Се уште се дебатира кој ќе го одреди лунарното време

Исто како што ГПС системите на Земјата бараат прецизна координација и тајминг, слични потреби постојат и за инфраструктурата изградена и користена на Месечината. Инаку, Gateway станицата на НАСА ќе служи како повеќенаменска месечена орбитална станица кога ќе почне да функционира некаде по ноември 2024 година. Ќе биде отворена за астронаутите и ќе ги поддржува луѓето кои се враќаат на површината на Месечината.

Во меѓувреме, ЕСА ќе слета сопствено вселенско летало Аргонаут на Месечината. Овие мисии не само што ќе работат на или околу Месечината во исто време, туку и ќе комуницираат и потенцијално ќе пренесуваат комуникации и ќе вршат заеднички набљудувања.

ЕСА потврди дека дебатира дали една организација треба да биде одговорна за поставување и одржување на лунарното време и дали тоа треба да биде поставено на независна основа или синхронизирано со Земјата. Тие посочија дека меѓународниот тим кој работи на оваа тема ќе се соочи со „значителни технички проблеми“.

„Договорениот систем мора да биде практичен за астронаутите“

Еден од предизвиците е тоа што часовниците на Месечината работат побрзо од нивните еквиваленти на Земјата, бидејќи часовниците отчукуваат побавно во посилните гравитациони полиња. Дополнително, нивната точна брзина зависи од нивната положба на Месечината, отчукувајќи со различна брзина на површината на Месечината отколку кога се во орбитата.

„Се разбира, договорениот временски систем ќе мора да биде практичен и за астронаутите. „Ова ќе биде вистински предизвик на површината на планетата каде во екваторијалниот регион секој ден трае 29,5 дена, вклучувајќи две недели ледени лунарни ноќи, додека целата Земја е само мал син круг на темното небо“, рече Бернхард Хуфенбах. член на дирекцијата на ESA.за човечки и роботски истражувања.

„Но, штом ќе воспоставиме систем на работно време за Месечината, можеме да продолжиме да го правиме истото и за другите планетарни дестинации“, заклучи тој.