Телефоните одамна станаа адекватна замена за бројни мултимедијални уреди, особено кога сме во движење. Меѓутоа, за што повеќе да уживаме во нашите омилени серии, филмови, игри и музика, покрај одличен екран, потребен ни е и подеднакво квалитетен звук.
Многу производители се потпираат на надворешни компании и нивните производи за подобрување на звукот, како што е Dolby Atmos, но има и такви кои отидоа подалеку и развија сопствен софтвер кој го носи звукот на ново ниво.
Една од тие компании е Motorola, која покрај технологијата Dolby Atmos, на корисниците им нуди и сопствена технологија Moto Spatial Sound. Иако Dolby Atmos нуди и ваков тип на опкружувачки звук, технологијата на Motorola носи одредени подобрувања кои дополнително го усовршуваат звукот.
Како функционира технологијата Spatial Sound?
Технологијата Spatial Sound го подобрува просторното чувство на звукот што го слушате со симулирање на процесот со кој луѓето го примаат и обработуваат звукот во нивните глави.
Благодарение на оваа технологија, корисниците имаат чувство дека музиката или звукот на филмот ги опкружува и го перципираат во три димензии.
Предности на технологијата Spatial Sound
Технологијата Spatial Sound додава уште еден слој на звукот и прави луѓето да се чувствуваат како да се во центарот на дејството додека звукот ги опкружува и доаѓа од различни правци. Новата технологија на Motorola може да се користи со жични или безжични слушалки, како и со вградените звучници на телефонот.
Опцијата Spatial Sound на поддржаните телефони е многу лесно да се активира во поставките за звук (Звук и вибрации). Технологијата Motorola Spatial Sound моментално е достапна на паметниот телефон ThinkPhone, а во иднина ќе биде дел од премиум уредите на компанијата.
GIPHY App Key not set. Please check settings