Новиот iPhone 14 ќе биде претставен на 7 септември

Apple го објави датумот на претстојната конференција на која ќе ја претстави новата линија iPhone 14, заедно со новата генерација на часовници и, ако им се верува на гласините, нов iPad.

Far out. September 7. #AppleEvent 💫 pic.twitter.com/bw5Lxf3eQ9

— Greg Joswiak (@gregjoz) August 24, 2022

Настанот се вика „Далеку надвор“, а ќе се одржи на 7 септември во 19:00 часот, по наше време. Конференцијата ќе се одржи во „Стив Џобс театарот“ и ќе биде првиот настан одржан во реалниот свет од почетокот на пандемијата.

Главната атракција на овогодинешниот настан ќе биде новата серија iPhone 14, а се шпекулира дека Apple ќе претстави четири нови модели:

• iPhone 14 (6,1 инчи),
• iPhone 14 Max (6,7 инчи),
• iPhone 14 Pro (6,1 инчи),
• iPhone 14 Pro Max (6,7 инчи).

Покрај тоа, Apple ја прекинува „мини“ линијата на iPhone телефони, на големо разочарување на љубителите на малите телефони.

Likely:
iPhone 14 lineup
New camera system in Pro iPhones
New "Pro" Apple Watch S8

Possible:
Updated AirPods

In my dreams:
A USB-C port to actually get those huge files off the new iPhone https://t.co/QMUQq25vnl

— Marques Brownlee (@MKBHD) August 24, 2022

Веројатно најголемата надградба оваа година се однесува на моделот „Pro“, кој треба да се ослободи од засекот во горниот дел на екранот (notch). Дополнително, новата серија за прв пат ќе го овозможи екранот „Секогаш вклучен“ на iPhone уредите со нов систем на камера.

На настанот ќе биде претставена нова серија часовници, овој пат три нови модели.

Се шпекулира дека Apple работи и на нови слушалки „Air Pods Pro“ и нови модели на iPad кои може да бидат претставени на настанот.