Пиењето алкохол во авион може да биде многу опасно: Знаеме што се случува

Конечно, време е да се одморите и да седнете во авионот каде што стјуардесата ви нуди алкохолен пијалок. Ретко кој ќе го одбие во чест на почетокот на годишниот одмор.

Меѓутоа, едно истражување покажа дека алкохолот за време на летот не е добар за срцето на патниците. Ако се прашувате зошто, тоа е затоа што при конзумирање на алкохол во лет, количината на кислород во крвта се намалува и пулсот се зголемува. Така е и кај помладите кои „пукаат“ од здравје.

„Потрошувачката на алкохол е ризик за здравјето што може лесно да се избегне“, изјавија за „Сан“ академици од Институтот за воздухопловна медицина во Германија, додавајќи: „Би можело да биде корисно да се размисли за промена на правилата за ограничување на пристапот до алкохолни пијалоци во авионите“.

Најголем ризик имаат срцевите пациенти

Пишувајќи во списанието Thorax, истражувачите забележаа дека хипобаричната средина, онаа со низок воздушен притисок, го намалува нивото на кислород во крвта и го зголемува отчукувањата на срцето. Тие додадоа дека патниците со авион со срцеви проблеми имаат зголемен ризик од влошување на симптомите поради намален притисок, а ризикот се зголемува за време на спиењето.

Со цел да ја тестираат теоријата за лошите ефекти од консумирањето алкохол и спиењето во хипобарична средина, тие набљудувале 48 луѓе на возраст меѓу 18 и 40 години кои поминале две ноќи во лабораторија за спиење каде притисокот е ист како во авион на одредена надморска височина. Истражувачите спроведоа тестови за спиење и внимателно го следеа отчукувањата на срцето и нивото на кислород во крвта.

Младите не се исклучок

Тие откриле дека комбинирањето на алкохол и ниски концентрации на кислород на големи надморски височини го намалува квалитетот на спиењето, го предизвикува кардиоваскуларниот систем и го продолжува времетраењето на ниските нивоа на кислород во крвта.

„Овие резултати покажуваат дека, дури и кај млади и здрави поединци, комбинацијата на алкохол со спиење во хипобарични услови го оптоварува срцето и може да доведе до влошување на симптомите кај пациенти со срцеви или белодробни заболувања“, заклучија тие.

Насоките на NHS препорачуваат не повеќе од 14 единици алкохол неделно, што одговара на половина литар вино, пренесува Net.hr.