Важен археолошки локалитет исчезнува за околу 50 години

Местото познато по храмовите што го чуваат камени лавови би можело засекогаш да исчезне, предупредуваат научниците.

На овој локалитет, еден од најважните локалитети на античка Грција, Делос, стар повеќе од 2.000 години, му се заканува исчезнување во следните 30 години поради подигнувањето на нивото на морето предизвикано од климатските промени.

Краткото возење со брод од раздвижените ноќни клубови на Миконос води до Делос заштитен од УНЕСКО, едно од најважните светилишта на античкиот грчки и римски свет.

Опкружени со продорни азурни води, градбите на Делос стари 2.000 години нудат микрокосмос од информации за секојдневниот живот за време на хеленистичкиот и римскиот период.

Но, во рок од неколку децении, поради зголемувањето на нивото на морето предизвикано од климатските промени, локацијата позната по своите храмови чувани од камени лавови би можела засекогаш да исчезне, предупредуваат научниците.

„Делос е осуден да исчезне за околу 50 години“, рече Вероника Цанковски, раководител на Француското археолошко училиште во Атина (ЕФА), кое го ископува локалитетот во последните 150 години под лиценца од грчката држава.

Тивката драма на малиот остров во Егејското Море не може да биде повеќе во контраст со вревата на соседниот Миконос, кој привлекува стотици илјади посетители годишно.

Најголемите структурни оштетувања се видливи на просторот каде што имало трговски и магацински објекти во првиот и вториот век п.н.е. и кој не е достапен за посетители.

„Водата влегува во магацините во зима. Ја кородира основата на ѕидовите“, забележа Жан-Шарл Морети, директор на француската мисија на Делос и истражувач во францускиот Национален институт за истражување на античка архитектура (IRAA).

Во период од 10 години, нивото на морето се искачило и до 20 метри во некои делови на островот.