По успешните три концерти во Белградската арена, легендарната Весна Змијанац ќе настапи во Скопје со голем концерт како дел од својата јубилејна турнеја „Golden Tour – 50 години кариера“.
Поради големиот интерес, настанот, кој првично требаше да се одржи во арената „Јане Сандански“, е преместен во поголемата арена „Борис Трајковски“. Датумот 28 ноември останува непроменет, а веќе купените билети ќе важат за новата локација.
Весна Змијанац има зад себе пет децении музичка кариера и нејзините хитови се вистинска симболика за многу генерации. Нејзините песни одамна се дел од музичкиот репертоар во регионот, а оваа турнеја е посветена на нејзиното богато музичко наследство.
Публиката во Скопје ќе има шанса да ги слушне нејзините познати хитови и да учествува на концертот по повод нејзиниот петдесетгодишен пат во музиката.
Билетите се достапни преку Kupikarta.com. Концертот е закажан за 28 ноември во арената „Борис Трајковски“.
